إزاي تعمل بروفايل لشركتك على جوجل
إزاي تعمل بروفايل لشركتك على جوجل
خطوة بخطوة
ليه تعمل بروفايل على جوجل بيزنس؟
📍 شركتك تظهر على بحث جوجل وخرائط جوجل.
📍 مهم للظهور في البحث المحلي وجذب الزباين اللى بيدوروا على منتج او حدمة معينة
الخطوة الاولى: الدخول على جوجل بيزنس
💠 ادخل على google.com/business
💠 اعمل تسجيل دخول عن طريق ايميل جوجل اللى هتحب تستخدمه للبيزنس بروفايل (ممكن الشخصى او تعمل واحد للشركة)
الخطوة التانية: اعداد بروفايل جوجل بيزنس
💠 دخل اسم شركتك او محلك او البيزنس بتاعك
💠 اكتب مجال الشركة او البيزنس
الخطوة التالتة: اختيار مكان الشركة
💠 هتختار اذا كان شركتك ليها موقع على الخريطة او لاء
💠 بعدها هتدخل بيانات العنوان زى الصورة
الخطوة الرابعة: بيانات التواصل
💠 هتدخل رقم الموبايل اللى يظهر للعملاء على جوجل بيزنس
💠 هتدخل موقع الشركة الالكترونى (ان وجد)
الخطوة الخامسة: اضافة ساعات العمل
💠 هتدخل ساعات ايام و ساعات العمل و خلى بالك من ايام الاجازات
الخطوة السادسة: السماح بالمراسلة
💠 جوجل هتطلب منك السماح لعملائك بمراستلك مجانا
الخطوة السابعة: وصف لشركتك
💠 جوجل هتطلب منك وصف شركتك عشان العملاء تقدر تقراه, بحد اقصى 750 حرف
الخطوة التامنة: اضافة صور
💠 اضافة صور لخدماتك او منتجاتك عشان العملاء يقدروا يشوفوها
الخطوة التاسعة: عرض اعلانات جوجل
💠 جوجل بتعرض عليك 6500 جنيه (لمصر) هدية فى حالة عمل اعلان على جوجل
💠 ممكن تعمله تخطى – Skip
الخطوة العاشرة: عرض Google Workspace
💠 جوجل بتعرض عليك اسم دومين و ايميلات مع باقة شاملة 5 تيرا على جوجل درايف, باقة لجوجل مييت عشان تقدر تعمل ميتينج اونلاين
اخر خطوة: تأكيد بروفايلك على جوجل
جوجل هتأكد معلومات بمجرد التأكيد
مبروك بقى عندك بيزنس بروفايل على جوجل
