كل شئ عن صفحة الهبوط – Landing Page

الحصان الأسود للتسويق الالكترونى (اللى محدش بيستخدمه)

ليه مهم انك تعمل صفحة هبوط؟
💠 صفحة الهبوط بتركز على تحويل الزائرين لعملاء من خلال التركيز على عرض واحد، وده بيقلل التشتيت وبيوجه الزائرين نحو الإجراء المطلوب
💠 صفحات الهبوط بتوفر طريقة واضحة لتتبع التحويلات وفاعلية حملات التسويق بتاعتك، وده بيسمحلك تحسن استراتيجياتك وتزود عائد الاستثمار.

Important ⚠
نصيحة مجربة من شغل 4 عملاء

لو بتسوق او بتبيع خدمة, متوجهش الاعلانات لموقع الكترونى, لان الجمهور هيتشتت
وجه الجمهور لصفحة هبوط, فيها عرض واحد عشان الجمهور يدخل و يشترى العرض

مقومات صفحة الهبوط الناجحة

1- العنوان
📌 اول حاجة الجمهور هيشوفها هى عنوان العرض بتاعك (لو معجبوش مش هيكمل)
📌 استخدم استراتيجية ال U 4
Useful – Unique – Ultra Specific – Urgent
عنوان صفحة الهبوط لازم يكون مفيد لجمهورك, مميز و محدش عمل زيه, محدد للعرض, يدعو جمهورك لاتخاذ اجراء معين قبل نفاذ الوقت

2- الفيديو او الصورة 📽
👉 بعد العنوان اللى يشد انتباه الجمهور لازم تحط صورة او فيديو (نتايج الفيديو اعلى) تشرح للعميل العرض و تفسر الهدف من صفحة الهبوط وكمان يبقى فيها ال CTA
👉 مش لازم الموضوع يبقى معقد, فيديو بسيط بتشرح فيه عرضك بشكل سهل للعملاء

3 – اراء العملاء ⭐ ⭐ ⭐ ⭐ ⭐
📍 سيب على صفحة الهبوط اراء العملاء اللى اتسخدموا خدماتك و تجاربهم الناجحة, كل ده هيخلى الجمهور الجديد يثق اكتر فى الخدمة اللى انتا بتقدمها
📍 ضرورى انك تظهرها على صفحة الهبوط بحيث ان الجمهور الجديد يقدر يشوفها و يقراها بسهولة

الخلاصة
– لو بتسوق او بتبيع خدمة اعمل صفحة هبوط للعرض بتاعك, هتخليك تبيع اكتر
– صفحة الهبوط لازم تحتوى على 3 عناصر مهمين جدا
– عنوان قوى, محدد, مميز و يحفز العملاء على الاشتراك او شراء العرض
– فيديو او صورة تشرح تفاصيل العرض
– اراء للعملاء اللى استخدموا خدمتك