اتعلم تحديد الأهداف التسويقية
اتعلم تحديد الأهداف التسويقية
استرايتيجية بتسهل عليك وضع أهداف و التأكد من الوصول ليها
بيتم تحديد الأهداف التسويقية من خلال طريقة اسمها S.M.A.R.T
S = Specific (محددة)
✔ لازم أهدافك التسويقية تكون واضحة و محددة كويس
🔰 كمثال: بدل ما تحدد هدف (زيادة العملاء المهتمين) خلى الهدف محدد (زيادة العملاء المهتمين عن طريق المدونة او المقالات)
M = Measurable (قابل للقياس)
✔ لازم أهدافك التسويقية تكون قابلة للقياس و بطريقة ملموسة, ممكن تضيف ارقام او نسب عشان تقدر تقيسها
🔰 فى نفس المثال: ( زيادة العملاء المهتمين عن طريق المدونة او المقالات بنسبة 20%)
A = Achievable (قابل للتحقيق)
✔ بلاش اهداف وهمية وخيالية, لازم تكون أهدافك واقعية, حدد أهدافك بناء على الموارد و الوقت المتاح لتحقيق الهدف
🔰 فى نفس المثال: (بناء على نتائج الشهر اللى فاتت اللى اكدت زيادة العملاء المهتمين بنسبة 15% عن طريق المدونة, هنشتغل على زيادتها 20% الشهر الجديد)
R = Relevant (ملائمة)
✔ لازم تكون أهدافك التسويقية ليها صلة بالاستراتيجية العامة للشركة و تساهم فى تحقيق رؤيتها.
🔰 فى نفس المثال: لو كان هدف الشركة زيادة المبيعات (زيادة عدد العملاء المحتملين بنسبة 20% من المدونة, بناء على تقرير فريق المبيعات اللى بيقول ان العملاء المحتملين من المدونة بيوافقوا يشتروا بنسبة اكتر ب 3 اضعاف من الباقى)
T = Time-bound (محددة بالزمن)
✔ لازم تحديد موعد نهائى لتحقيق الهدف, ده بيساعد على تحفيز فريق العمل و هيخليك تعرف انتا ماشى صح ولا لاء.
🔰 فى نفس المثال: (زيادة عدد العملاء المحتملين بنسبة 20% من المدونة, بناء على تقرير فريق المبيعات اللى بيقول ان العملاء المحتملين من المدونة بيوافقوا يشتروا بنسبة اكتر ب 3 اضعاف من الباقى و هيتم العمل بالخطة دى لمدة 6 شهور)
