كبسولات تسويقية همسات فى الديجيتال ماركتينج

Mission & Vision تكتبهم ازاى

ازاى تقدر تكتبهم لاى شركة

فى بوست النهاردة هتكلم عن Company Mission
لتسهيل المعلومة و لمنع اللخبطة

مهمة الشركة – Company Mission
📍 هو الوعد اللي بتقدمه الشركة لعملائها وبيكون لخلق وعي عن اللي بتعمله الشركة او بتقوم بتصنيعه او تطويره
📍 لازم يكون الوعد او الرسالة واضحين جدا بحيث اي حد (سواء كان عميل او مستثمر) يقدر يفهم طبيعة عمل الشركة

بيتكون من 4 عوامل أساسية
1️⃣ لازم يكون بيتكلم عن (الحاضر), لو بيتكلم عن الماضى يبقى انجازات, لو بيتكلم عن (المستقبل) يبقى رؤية مستقبلية
2️⃣ تحديد الوعد او الالتزام, شركتك بتصنع ايه – شركتك بتجهز ايه – شركتك بتطور اية – شركتك بتساعد فى ايه
3️⃣ تحديد المستفيد من مجهودات شركتك, شخص – فئة محدودة – فئة كبيرة من المجتمع – مجال بأكمله
4️⃣ تحديد الفايدة, طالما فيه ناس مستفيدين يبقي لازم نحدد بالظبط اية هى الفايدة او التحول اللى هيحصل في حياة الناس لما تستخدم منتجاتنا او خدماتنا

دلوقتي تعالوا نجمع الخطوات دي مع بعض و نشوف مثال علي الكلام ده

مثال من شركة لينكدان
تقدر تشوف ال Mission Statement من على about.linkedin.com

LinkedIn Statement

“connect the world’s professionals to make them more productive and successful”

لو جيت حللته هتلاقى
1️⃣ الزمن : الحاضر و المضارع Connect, مش ماضى Connected او مستقبل Will connect
2️⃣ الوعد والالتزام : connect, هو ده دور الشركة و شغلها اللى بتوعد الناس بتقديمه
3️⃣ الفئة المستفيدة : world’s professionals, هما دول الناس اللى الشركة بتخدمهم
4️⃣ الفايدة او النتيجة : to make them more productive and successful, هو ده التغير اللى هيحصل فى حياتهم باستخدام المنصة