fbpx
اعلانات جوجلهمسات فى الديجيتال ماركتينج

كيف تختار المعلن؟

كيف تختار المعلن؟ ازاي تختار المعلن؟ احمد ابو عيطه

صراحه البوست دا اتأخر اوي ودا بسبب اني اترددت كتير اني اكتبه ومش عارف هكتبه ازاي لانه هيوجع ناس كتير مبدأيا كدا لو عايز معلن محترف وفعلا ما يجيش يجرب فيك فأنت كدا للاسف عايز معلن مبتدئ لسه ومش عارف ازاي يجرب فبيعمل الإعلان ويا تصيب يا تخيب وان صابت تفكر ان دا المعلن التنين المجنح وان خابت يبقى منه لله خسرني وهو يرد عليك ويقولك تحديثات الفيس بوك (اكبر هبده ممكن تسمع عنها في تاريخ الماركتنج) انت كدا عايز حاجة من ٢ يا معلن مبتدئ يا نصاب ما فيش خيار تالت فأنت ممكن تختصر اللفه دي وتقول انا عايز معلن يتعلم فيا او ممكن تقول عايز حد ينصب عليا وتريح راسك لان المعلن المحترف هو اللي يعرف يجرب كل حاجة عشان يوصل لأحسن حاجهيجرب البوست وطريقة العرض يجرب مره فيديو ومره صور ومره سكرول دوار…

يجرب باستهداف داخل الصندوق واستهداف خارج الصندوق ويجرب ميزانيه يوميه ويجرب ميزانيه قليله وميزانيه عاليه……. الخولو شغال مع معلن بيجرب فما تفضلش تسأل كتيرمش عشان هو هيبخل عليك.لا عشان انت جايب معلن مش جايب مودوريتور عشان يقعد طول النهار يرد على اسألتك اللي هو اصلا مهما جاوبك عليها انت مش هتفهم منه حاجه اساساولا هو انت جايبه عشان يشرحطب تعالى نقلبها كدالو جيبت معلن وكل شوية يقولك المنتج دا بكمهو صناعة ايهطب بيتباع فينبتجيبه منين بتشحن مع مينطبعا انت كدا هتقوله وقف الإعلان انا مش هشتغل وطبعا انت كل ما تسأل اكتر كل ما هو يبطل يجرب عشان يبعد عن دماغه وجع الراس خد التانيهلو عايز معلن يحاسبك بعد الإعلان فأنت برضو عايز معلن مبتدئ ومش لاقي شغلإنما لو معلن محترف هيوافق ليه أساسا؟ خد التالته اوعى تفتكر ان المعلن مش عارف حاجة ولما تيجي تقوله اعلانك مش جايب نتيجه انه كدا مش عارفلا والله دا هو بيقول في عقل باله ربنا يشفي لو الاعلان مش جايب نتيجه فأنت محتاج تجيب السبب من المودوريتور وتعرف منها العملاء رأيها ايه في المنتج والسعر وليه ما أشتروشوقتها هتعرف المشكلة عندك ولا عند المعلن ولا عند المودوريتوروما تنزلش بوست وتقول جالي ١٠٠ رسالة وما جاش غير أوردرين عشان انت لو جيت سألتني انا بشكل شخصي فما تزعلش مني.. عشان وقتها انا هقولك انا لا بعتلك رسايل ولا جيت جمبك انت جاي تسألني ليه انا مالي ما تروح تسأل اللي بعتولك رسايل وتجيبلي المشكلة ونفكر تتحل ازاي طب اعمل ايه بقى 🤔؟ اتكلم مع كذا حدواديلة أرقامك القديمه وقوله انت وصلت لفين وعايز تروح فين ومن خلال المناقشة حتى لو انت ما تعرفش حاجة عن الإعلانات هتعرف مين اللي ممكن يفيدكلو عملك البحر طحينه قوله شكرااا هشاور الحاجة كدا وارد عليكلو قالك تعالي نجرب قوله يا مرحبا طب تاخد الأحسن من كدا؟

لو هتعمل اعلان ب ٥٠٠ج هات ٥ معلنين و ادي لكل واحد ١٠٠ج وتعالي شوف الفرق واعرف منهم دا ليه جاب نتايج ودا ليه ما جابش وجدد معاهم ٣ مرات وبعد ال٣ مرات هتطلع بالاحسن فيه مكان

في معلن زمان كدا كنت سمعت عنه كان بيضمن النتايج بس دا ما اتكررش تاني

جدي كان حكالي عنه قبل ما يموت الله يرحمهم جميعا

 

اظهر المزيد

مقالات ذات صلة

زر الذهاب إلى الأعلى
%d مدونون معجبون بهذه: